JACO STEYN DIE VERMEENDE "SONDAG-VERKRAGTER"
DIE TWEE FOTOS HIERBO
Mnr. Jaco Steyn (35), die selferkende Sondag-verkragter, skram weg vir die kameras tydens sy eerste hofverskyning die 17de Oktober 2011 in die Krugersdorp-streekhof. Steyn (35) het ’n bekentenis voor ’n landdros afgelê dat hy nie net Louise verkrag en vermoor het nie, maar ook al die misdade gepleeg het wat hom as die “Sondag-verkragter” gebrandmerk het. Daar is 13 verkragtingsaanklagte, 10 van ontvoering, ses klagtes van seksuele aanranding en waarskynlik ook aanklag van moord wat met Lazanne Farmer (14) se dood verband hou teen hom.
HENTIE KOCH
DIE DRIE FOTOS HIERBO
Henty Koch, wat haar man laat vermoor het, by haar vonnisoplegging in die hooggeregshof in Johannesburg. Sy is tot 25 jaar tronkstraf gevonnis. Henty Laetitia Koch (50) het mnr. Bernard (Smiley) Koch op 23 Februarie 2008 op hul hoewe laat vermoor. Hy is 14 keer in die bors, arms en rug gesteek. Koch het Linwell Strauss (24) R7 000 vir die moord op haar man betaal. Hy is in Augustus verlede jaar tot 22 jaar tronkstraf gevonnis. Koch is skuldig bevind op twee aanklagte van aanhitsing om moord te pleeg en een elk van moord en regsverydeling. Sy het skuld beken.
Shavhani Lazzy Phophi, die Muldersdrift-reeksverkragter
DIE DRIE FOTOS HIERBO
Shavhani Lazzy Phophi, die Muldersdrift-reeksverkragter, tydens sy vonnisoplegging in die Krugersdorpse streekhof.
Die Muldersdrift-reeksverkragter is in die Krugersdorpse streekhof tot dubbele lewenslange tronkstraf plus nog 55 jaar gevonnis. Shavhani Lazzy Phophi (33) het vyf vroue en ’n minderjarige meisie verkrag. Phophi, wat beweer het hy is ’n mansprostituut, het skuld beken op ses aanklagte van verkragting, drie van roof met verswarende omstandighede en twee van diefstal. Hy is twee maande gelede skuldig bevind.
Phophi het ’n meisie (toe 7) in Mei 2006 onderweg na haar skool in Nooitgedacht met ’n mes aangehou, in die bosse ingesleep en verkrag. In Junie 2009 het hy ’n 38-jarige vrou van Tembisa met die belofte van werk gelok nadat sy ’n werksoek-advertensie in ’n koerant laat plaas het. Daarna het Phophi drie vroue, almal tussen 24 en 36 jaar oud, ook met werkaanbiedinge gelok en verkrag. Hy is op 2 Junie verlede jaar vasgetrek in ’n mobiele toilet in Kaya Sands, noordwes van Johannesburg.
DIe moordenaars van Mnr. Loffie Van Der Gryp
Ná ’n verhoor van sowat drie maande het regter Philip Hattingh in die hooggeregshof in Johannesburg bevind Dumisane Ncebesha (23), Joe Joseph Mashala (22) en George Thulani Mahlalela (28) is skuldig aan die moord op Van der Gryp, poging tot moord op mnr. Marthinus Jacobus Booysen, sy buurman wat hom probeer help het, roof met verswarende omstandighede en die onwettige besit van vuurwapens en ammunisie.
Mnr. Karlito Macamo (29, HY SIT HEEL LINKS), die vierde beskuldigde wat twee jaar by die Van der Gryps se melkery op hul plaas by Sterkfontein aan die Wes-Rand gewerk het, is vrygespreek op alle aanklagte teen hom.
Christiaan Frans Vermaak
DIE DRIE FOTOS HIERBO
“Dit is nie maklik om saam te leef met wat ek gedoen het nie. Ek vra om vergifnis en weet wat ek gedoen het, was nie reg nie. Ek weet ek moet gestraf word sodat ek vrede kan kry,” het die moordenaar van ’n vrou gister tranerig gesê nadat hy tot lewenslange tronkstraf gevonnis is.
Christiaan Frans Vermaak (40) het me. Elizabeth Hendrina (Riana) Minnie (42) “koel, berekenend” vermoor en “fyn, berekende stappe gevolg om haar dood te verdoesel en in die proses aan niemand as homself gedink nie”, het regter Fritz van Oosten gister in die hooggeregshof in Johannesburg gesê.
Vermaak het ook ses jaar tronkstraf gekry op aanklag van die diefstal van Minnie se besittings, onder meer haar Hyundai Getz-motor, skootrekenaar en selfoon.
