Net 'n paar van die ander fotos wat nie gebruik is in die koerant nie. Het nogals meer van die weier fotos gehou. Ek dink persoonlik die beligting het goed gewerk om 'n meer dramatiese atmosfeer te skep en natuurlik was dit lekker om iemand soos Elma Smit af te neem wat gemaklik en natuurlik voor die kamera is.
Fotos: Nelius Rademan geassisteer deur Cornel van Heerden
Storie: Carryn-Ann Nel (Beeld joernalis)
Soggens laat weet sy ons wat die dag se nuus is, saans gesels sy
dik stukke oor rugby, en nou gaan sy ook die Oscar Pistorius-verhoor vir ons
ontrafel.
Die
kombinasie van die regstelsel, joernalistiek en sport het Elma Smit laat
besluit om van volgende week af Beeld se TV-aktualiteitsprogram oor die Oscar
Pistorius-verhoor te pak.
Smit
(28) sal die gesprek op BeeldTV lei en met regskenners oor die dag se hofverrigtinge
praat.
Om
na BeeldTV te kyk hoef jy net ’n digitale intekenaar te wees en na
www.beeld.com te gaan.
Smit
sê dit was ’n geleentheid waarvoor sy eenvoudig nie nee kon sê nie.
“Dit
is ’n perfekte samekoms van al my belangstellings – die regstelsel,
joernalistiek en sport.
“Dit
sal ook die eerste keer wees dat ek die praktiese toepassing van my
regsagtergrond sal kan gebruik.”
Sy
is tans ’n aanbieder op die oggendprogram Dagbreek op kykNET, ’n
rugby-aanbieder op SuperSport en naweke vervaardig sy die ontbytprogram op 5FM,
waarvan sy ook ’n mede-aanbieder is.
Sy
het ’n BA-graad in die regte en ’n honneursgraad in joernalistiek.
Die
Pistorius-hofsaak gaan die volk aan die praat kry – en oor meer as dit wat op
14 Februarie gebeur het toe Pistorius Reeva Steenkamp doodgeskiet het, meen
sy.
“Dit
is ’n fantastiese geleentheid om die strafproses aan die publiek te illustreer.
Ek sal weer ’n bietjie moet gaan swot oor ons strafregstelsel,” sê sy laggend.
http://www.beeld.com/nuus/2014-02-25-elma-lei-gesprek-op-beeldtv
No comments:
Post a Comment